Beep Beep

Ah does mark him from far
Ah like him cuz he have car
Ah like horn...beep beep
See a happy home torn
He chile modda I scorn
She? Steups
Wha bout me?
I besss, I hott
An ah could good bubble pot
But I ain't get ah chance
Show him how ah could dance
Put meh han' on he pants...
To wash it clean
Wha yuh thought ah mean
Yuh see how allyuh like scene

Ah watchin him like a hawk
When he pass d gyal dem talk
Ah like how he does walk
A nice stroll, sexy stride
In d front seat ah wha ride
Of he car
To near, far
Aaaaaaaaaah
Beep beep
I doh mind horn
But no baby mus born
By me
An' he
Because ah she
Plus I, I not on dat
Ain't want to get fat
No way, no day
Gotta stay fly
Make gyal cry
For dey man
Cuz I like horn
Beep Beep
One day me an he will get it on!

PenSecrets
© 2009 by Tamara Cozier